Wednesday, September 9, 2020

Radio anchor umani ng batikos matapos maliitin ang mga call center agents

Binatikos ang RMN Radyo Broadcaster na si Jun Alojado Capulot matapos ang naging pahayag nito patungkol sa mga call center agents.
Jun Capulot / Photo credit: Facebook

Sa kanyang programa, sinabi ni Capulot na ang trabaho ng isang call center agent ay trabaho ng mga tamad at mga taong hindi nagagamit ang brain cells.

Sa Facebook page na ‘Buhay Call Center Agent’, ibinahagi nito ang naging pahayag ni Capulot.


Why are you enduring the work as a call center agent? Do you want me to describe it? The call center job is for lazy persons who doesn’t have brain cells. You think being a call center is a nice job? I am not discriminating you because some are also intelligent,” sabi ni Capulot.

I have a friend who’s graduate of Mass Communications, he informed me that being a call center is a nice job since all they do is to press the keyboard (switchboard) that will answer all your questions. You will not do the talking, like “Hello! Good Morning”. That’s why they’re working as a call center agent because they’re lazy to use their brain cells. All they do is just sit, wait for the customers to call and press the keyboard. Simple as that!” dagdag ni Capulot.
Jun Capulot / Photo credit: Buhay Call Center Agent Facebook page

Hindi nagustuhan ng mga netizens ang mga sinabi ni Capulot lalong lalo na ng mga nagtatrabaho sa call center.

Sa Facebook page na Buhay Call Center Agent, ibinahagi nito ang trabaho ng isang call center agent kung saan malalaman mong hindi ito trabaho ng tamad at hindi ginagamitan ng brain cells katulad ng sinasabi ni Capulot.

Napakarami mong dapat matutunan at gawin upang magtagal ka sa industriya ng pagiging call center agent.


Narito ang buong post mula sa Buhay Call Center Agent Facebook page:

*Sorry for the very long post*

Saan kaya nag tatrabaho yung kakilala nya? Ang layo kasi sa trabaho ko eh. Gamit na gamit kasi brain cells ko sa pag su support sa mga customers, kasi mina master ko ang process and policies ng account ko. Kinakabisado, every week may bagong updates so panibagong kabisa, tapos madaming changes na nangyayari kaya minsan mag unlearn ka tapos pag aralan ang bagong process. Worst na cross trained ka pa, di lang isang LOB ang sinusupport. Na experience ko ng mag support ng TV Service, Internet Service, Homephone Service at Cellular Service. Sakop mo lahat. Tapos mastress ka pang mag benta, kasi may upselling at part sya ng metrics. At yun na nga, stressed kapa paano pumasa sa CSAT, FCR, AHT, QA, etc. Tapos sa gabi kapa nag tatrabaho, at consistent puyat kasi sa araw natutulog. Tapos habang nag su support ako ng customer required mag multi tasking kasi kailangan while on call kailangan mo i process ang request ng customer at the same time mag nonotes ka pa. Kapag di pumasa ang metrix after 3 months, mauubos na naman ang brain cells ko para di bumagsak sa PIP dahil once bumagsak ako, wala na, ligwak na.


May mga times pa na walang SME or TL, sakit kaya sa ulo paano mag resolve ng issue na di mo alam. O kaya naman nag tanong sayo katabi mo habang may call ka, so gumagamit ka na ng brain cells sa call mo, mag shi share pa ako ng brain cells para sa katabi ko. Nakakaubos din ng brain cells yung mag iisip ka paano mag provide ng additional support at extra mile. Kasi kailangan mo mag bigay ng tulong na out of your scope for the sake na makatulong ka sa customer. Madami din kayang tanong mga customers na di ko masagot, dun palang nauubos na brain cells ko.

English only policy po pag nag co calls, bawal mag tagalog. Gamit na gamit kaya brain cells ko dun, kasi di naman ako native speaker ng English.

Dumating ako sa point dati na umiyak ako dahil sa isang customer na super galit at pinagmumura ako. I feel degraded, ang liit ng tingin ko sa sarili ko. Tapos after ng call na yun, galit na customer na naman. Napapaisip akong mag resign at mag hanap na ng ibang trabaho. Dumating din ako sa punto na nananaginip na ako na akala ko nag co calls ako. Imagine, hanggang sa pag tulog nag susupport ako ng customer at gumagamit ng brain cells.

Sabihin na natin hindi kami physically pagod, pero ang utak po namin, sobra. Tapos dahil queuing minsan mapapa over time ka, so hindi lang 8hrs, minsan up to 12hrs gagamit ako ng brain cells. Minsan nga RDOT pa, so may mga panahong 6 days akong pagod ang utak. Tapos isama mo pa ang stress sa relationship, sa bahay, at kung anu anu pa. Diba nakakaawa naman ang brain ko kasi gamit na gamit ang brain cells.


Kaya di ko alam paano nasabi ni Manong na di tayo gumagamit ng brain cells. Kasi super disagree ako, gamit na gamit po ang brain cells ko. Maling tao po ang natanungan ni Manong. Sana ako na lang nag share sa kanya kung paano ang trabaho ng isang #KolsenerAgent.

P.S. Guys let's not spread hate.

Pero sana pindot pindot lang talaga trabaho natin, kasi malaki sahod di pa stressed. Pupush ko talaga yang account na yan. Saan ba yan at ng makapag apply?"

Umani ng batikos mula sa mga netizens ang sinabi ni Capulot:



***

No comments:

Post a Comment