Tinawag na sinungaling ni Southern Luzon Command Chief Lt. Gen. Antonio Parlade ang Kapamilya aktres na si Angel Locsin.
Command Chief Lt. Gen. Antonio Parlade and Angel Locsin / Photo credit to the owner
Sa isang news article ng ‘Abante’, nakapanayam ni Parlade ang host ng “Diskusyon” na si Aileen Taliping. Sinabi ni Parlade na napanood niya ang naging interview ni Henry Omaga-Diaz kay Angel Locsin.
Itinanggi ni Parlade na sinabi niyang miyembro ng New People’s Army (NPA) si Angel.
“Napakasinungaling nitong Angel Locsin. Sinabi na ako daw ay inakusahan ko raw siya na NPA siya. Never ko sinabi ‘yon. Ewan ko kung sinong nagtuturo dito kay Angel Locsin at sana sagutin na lang niya ‘yung tanong kung totoong may kaugnayan sila at ‘yung kapatid niya sa NPA,” saad ni Parlade.
“In fact kahit busy ako dito sa paghahanda sa bagyo kinakailangan nating gawin ito dahil hindi maaaring durugin ng mga artistang ito ang credibility natin,” dagdag niya.
Inilabas din ni Parlade ang isang tao na nakakaalam diumano sa naging partisipasyon ng kapatid ni Angel na si Ella Colmenares sa NPA sa Polillo, Quezon noong 1999 hanggang 2002.
Ayon sa nagpakilalang “Ka Leni”, siya mismo ang nakakita kay Ella sa kanilang lugar. Nakasama pa raw ng kanyang ama si Ella sa loob mismo ng kilusan.
Nagbabala rin si Parlade na unti-unti nilang ilalabas ang mga ebidensiya laban sa kapatid ni Angel.
Ani Parlade, ikukunsulta niya sa National Task Force to End Local Communist Armed Conflict ang mga naging pahayag ni Angel at ang banta nitong idedemanda umano siya.
“Ano ‘yung allegation niya? Ano ‘yung ikakaso niya? Ako merun akong ikakaso sa kanya dahil dun sa pagsisinungaling niya,” sambit ni Parlade.
Nilinaw din niyang wala silang away ni Angel dahil nilalaro at pinapaikot lang daw ang aktres ng mga taong nakapaligid sa kanya partikular aniya ang Bayan Muna at Gabriela.
Noong Sabado nakapanayam ni Henry Omaga-Diaz si Angel.
“Wala po akong tinatago, wala po akong masamang hangarin,” panimula ng aktres.
“I never associated myself with the NPA. He [Parlade] associated me with the NPA. Magkaiba po ‘yun,” giit ni Angel.
“Ang sinasabi niya mayroon siyang mga ebidensiya, marami raw akong mga picture, sasabihin ko na po sa inyo ‘yong pictures na ‘yon, sa akin din po nanggaling. Kami po ang naglabas nun noong 2009 kaya siya nakuha ng iba’t ibang media outlets. Bakit po namin ilalabas ang mga litrato na tingin namin na ikapapahamak ko at may koneksyon sa NPA,” dagdag niya.
***
Source: Abante
No comments:
Post a Comment