Friday, August 19, 2022

Brod Pete may komento sa pahayag ni Direk Darryl Yap patungkol sa simbahang katoliko

Hindi napigilang magkomento ng komedyanteng si Herman Salvador o mas kilala bilang si ‘Brod Pete’ sa pahayag ni Maid in Malacañang (MiM) Direktor Darryl Yap patungkol sa Simbahang Katoliko.
Herman Salvador and Direk Darryl Yap / Photo credit to the owner

Sa kanyang post, hinamon ni Yap ang simbahan na gawing libre ang mga private schools kung talaga namang may malasakit sila sa mahihirap. 

“Kung talagang gusto ninyong tumulong sa Mahihirap; Gawin nyong libre ang mga Catholic Private Schools at ipantay nyo sa Public ang Sweldo ng mga Guro ninyo. yun, ang tunay na malasakit,” ani Yap.

Sa comment section ay sumang-ayon naman si Brod Pete sa hamon ni Yap at sinabing magbayad na rin ng buwis ang simbahan.

“At bayad taxes,” komento naman ni Brod Pete.

Ilang netizens naman ang pumabor sa sinabi ni Salvador.

“Yun naman Pala hiwalay ang simbahan sa gobyerno e eh bakit noong kampanya Han sila pa nga nangunguna. (Di ko naman Nilalahat) at ginamit pa ang simbahan Para sa mangampaya. Tas pag bayaran ngTAX sasabihin nila hiwalay ang simbahan sa politika. wag yo na kami lokohin . Dapat na din kayo magbayad NG TAX Di puedeng puro kayo KABIG magbigay din kayo mga pari na nakikialam sa politika….” sabi ni Charito Bermisa.

“Some of these Catholic Schools employ under board teachers just so they can bargain for their Salaries,” wika ni Jay Samonte.

“Tama. Grabe mahal ng tuition fees sa Catholic schools tapos mababa ang sahod ng teachers na overworked yung iba kasi matatanda na yung mga pari at madre na nagpapatakbo ng schools kaya sila lahat gumagawa,” komento naman ni AJ Sanchez.

Samantala, nag-react naman si Fr Benny “Nongnong” Tuazon sa hamon ng direktor.

“Bakit daw hindi gawing libre ang Catholic schools? Hmmm. Patulan natin,” sabi ni Tuazon sa isang tweet. Gusto mong libre ang Catholic schools? Magdonate ka. If not, let part of the taxes paid to government be given as support to Catholic schools,” panimula ni Fr.


“Kaya libre ang government schools ay dahil sa taxes nating lahat. Yes. Pati yung mga magulang na hindi naman pinag-aaral ang mga anak nila sa public schools ay may bahagi sa gastos ng gobyerno. Di biro ang sustento sa public schools. Tingnan mo na lang ang budget!”


“Ang mga Catholic schools ay tumutulong sa gobyerno sa edukasyon. Kung hindi magtatayo ang mga simbahan (hindi lang Katoliko) ay maraming hindi makakapag-aral. Sana magpasalamat na lang,” dagdag ng pari.



Ani Fr Tuazon, ang layunin ng simbahan ay hindi lang daw tungkol sa edukasyon, kundi pati sa paghubog ng pananampalataya. 

“Hindi lang edukasyon ang layunin ng Simbahan. Kaligtasan! Kaya priori dad ang mga sakramento. Ang pagpapatakbo ng schools ay upang maghubog ng mga mananampalataya hindi lang para maging maalam at matalino.”


“Kahit tanungin mo ang DepEd at ang mga pinuno nito. Alam nila ang tulong na ginagawa ng private Catholics schools.”


***

No comments:

Post a Comment