Online seller, nainis at sinisi pa ang kanyang customer matapos makita ang mga larawan nito sa cellphone ng kanyang mister

Dahil sa social media ay marami na ngayon ang mas pinipiling magtayo ng kanilang sariling negosyo o maging isang online seller.

Bukod kasi sa wala kang boss na sinusunod ay hawak mo pa ang oras mo kung kelan mo gustong magtrabaho. Mas malaki rin ang natitipid ng mga onliner seller dahil wala na silang nirerentahan pang pwesto.

Photo credit to the owner

Madalas ay mag-asawa o magpartner ang pumapasok sa ganitong uri ng online selling. Si Misis ang nakikipag-usap sa mga customer, habang si mister naman ang magdedeliver ng mga order.

Samantala, viral ngayon ang post ng isang online seller na sinisisi ang kanyang customer dahil sa mga larawan nitong nakita niya mismo sa cellphone ng kanyang asawa.

Ayon post ng online seller na si Marites Solomon, inutasan niya ang kanyang asawa na i-deliver ang order ng isa sa kanyang mga buyer.

Pagkatapos ng delivery ay tinignan ni Marites ang cellphone ng kanyang asawa upang malaman kung nagdeliver ba talaga ang mister niya. Doon nakita ni Marites ang larawan ng kanyang buyer, ngunit hindi lamang isa ang kuha ng kanyang mister, kundi tatlong larawan.

Maging ang nakatalikod na customer kinuhanan ni mister ng larawan.

Photo credit to the owner

Imbes na magalit si Marites sa kanyang asawa ay sinisi pa nito ang kanyang customer dahil hindi umano maayos ang pananamit nito.

"Sa mga customers natin jan wag gayahin ito sana manlang ayusin mo pananamit mo babae ka alam mo may magdedeliver sayu. Mag suot kayo maayos customers,” sabi ni Marites.

Narito ang buong post ni Marites:

“Sa mga customers natin jan wag gayahin ito sana manlang ayusin mo pananamit mo babae ka alam mo may magdedeliver sayu. Mag suot kayo maayos customers. Nakita ko to sa cp mismo ng asawa ko hnde ko alam bakit nya pnicturan. Lalaki eh. Sya pinag deliver ko kasi dami ako inasikaso. Be aware customers.”