Nag-sorry ang social media personality na si Rendon Labador sa mga celebrities na kanyang napagsalitaan ng masakit kabilang na sina Michael V at Coco Martin.
Rendon Labador, Coco Martin at Michael V / Photo credit to the owner
Nangyari ito matapos makipagkita ni Rendon sa broadcast journalist na si Ben Tulfo, sa mismong tanggapan ng Bitag Live.
Mapapanood sa mismong Facebook account ni Rendon ang kaniyang paghingi ng paumanhin sa mga personalidad na nasali dahil sa kanyang pagiging prangka o straightforward.
“Gusto ko pong humingi ng apology, gusto ko pong humingi ng pasensya sa lahat po ng Pilipinong nasaktan at naging emotional sa mga nangyayari sa social media,” ani Rendon.
Ngunit hindi raw maipapangako ni Rendon na hindi na siya makapagsasalita ng mga masasakit kapag may celebrity na gumawa ng pagkakamali.
“Hindi ko po maa-assure kay Michael V, kay Coco Martin at sa lahat ng mga celebrity or atletang nadadamay sa lahat ng mga isyu na sinisita ko sa internet…”
“Pasensya na for being too straightforward. Ganoon talaga ako pinalaki ng aking mga magulang,” aniya pa.
Ganoon lamang daw siya magsalita dahil alam daw niyang sa ganoong paraan, ma-momotivate niya ang mga tao na baguhin ang hindi maganda sa kanila.
Hiling din ni Rendon na matigil na ang paggawa ng fake news.
“Sana matigil na ang fake news. Sana mag-level up tayo, sana huwag na tayo madamdamin, sana lumaban tayo….”
Sa mga hindi raw nakakaintindi sa kaniya, huwag daw silang mag-alala dahil hinding-hindi raw siya titigil hangga’t hindi sila nag-iimprove.
***
No comments:
Post a Comment