Netizen hindi naitago ang pagkadismaya matapos madiskubreng gawa sa napkins at diapers ang biniling mattress

Ang buong akala ng isang netizen ay nakamura siya at nakatipid sa biniling bagong mattress mula sa isang naglalako na dumayo sa kanilang barangay.

Photo credit: Michelle Abuzo Oliveros

Sa Facebook post ni Michelle Abuzo Oliveros, ikinuwento nito ang nakakadismayang pangyayari sa biniling mattress.

Ayon kay Michelle, matapos mabili ang foam ay tila may napansing kakaiba.

Agad niyang tinanggal ang sapin ng foam at laging gulat niya ng madiskubreng puno ng napkins at diaper ang mattress.

“Shout out sa nagbenta ng kama namin, sana ma-karma ka,” sabi ng netizen sa post. 

“Eto ang laman ng foam na binili namin, puro pampers at napkins para lumambot. Akala namin gawa ‘yung mattress sa foam. Wala ka bang konsensya na madami kang napagbentahan nito? Next time mag-ingat na tayo sa mga nagbebenta ng kama,” dagdag pa niya.

Photo credit: Michelle Abuzo Oliveros

Photo credit: Michelle Abuzo Oliveros

Dahil dito ay hindi na magagamit si Michelle ang bagong biling mattress dahil baka raw makakakuha pa siya ng sakit.

May ilan pang mga netizens ang nakabili umano ng kaparehong mattress at agad na ini-report sa pulisya.

May mga nagsasabi rin na matagal na ang ganitong modus ng mga naglalako kaya sana raw ay mag-ingat sa pagbili.

Samantala, nagpaalaala na ang owtoridad na mag-ingat sa mga naglalako o nagbebenta ng gamit lalo na kung ibinebenta ito sa murang halaga.

Sa ngayon ay umabot na sa 8k shares ang nasabing post.

***