Kinaaliwan ng mga netizens ang Facebook post ng netizen na si Keith De Guzman kung saan siya ang naging driver ng ride-hailing service na Joyride at ang driver ang naging pasahero.
Photo credit to the owner
In-upload ni Keith ang selfie nila Joyride rider kung saan tinakpan nito ang mukha upang sa gayon ay hindi maapektuhan ang kanyang trabaho kung sakaling magkaproblema ang kanilang ginawang pagpapalit.
“Ang stress level mo today ay: inangkas yung joyride para mas mabilis andar.” mababasang caption sa Facebook post ni Keith.
Ayon sa ulat ng website na Balita, mahuhuli na umano sa pupuntahan niya noong araw na iyon si Keith at sa malayong lugar pa sila idinaan ng navigation app.
“Bali ang nangyari po do’n ay malalate na po ako sa pupuntahan ko tapos yung navigation app pinapadaan kami sa mas malayo” aniya.
“E nakuwento rin naman ni kuya na pagod na siya dahil pang-ilang pasahero na niya ako kaya inalok ko siya na ako na magmamaneho para di maligaw,” dagdag pa nito.
Dagdag pang tanong ng Balita kay Keith kung nagbayad pa rin ba ito kahit siya na ang nag-drive.
“Nagbayad pa rin walang labis walang kulang. Parañaque hanggang Cubao haha,” isinagot ni Keith.
Umabot naman raw si Keith sa kanyang pupuntahan dahil pumayag ang driver na magpalit sila.
Samot-saring komento naman ang natanggap ni Keith mula sa netizens sa kaniyang viral post online.
“Baka mawalan ng trabaho si boss ”
“ikaw dapat bayaran nya”
“Discounted kasi ikaw nag drive. Eyyy”
“hahaha mahuli ka dyan bes bawal yan wahahaha”
“Sino nagbayad sa inyong dalawa paps? HAHAHAH”
***
Source: Keith De Guzman | Facebook
No comments:
Post a Comment