Lalaking nasangkot sa rambulan ng grupo ni Awra Briguela, nagsalita na

Sa ulat ng News5, nagsalita ang isa sa mga nasangkot sa rambulan sa Poblacion, Makati kung saan naaresto ang Kapamilya star na si Awra Briguela.

Photo credit to the owner

Ayon sa lalaking tinawag na “Mark”, baka nakursunadahan daw siya at sinabing sinundan ni Awra.

Aniya, mga kasamahan umano ni Awra ang unang nanakit kaya naman napilitan siyang lumaban.

Nauna na ng nagsalita ang mga kaibigan ni Awra patungkol sa isyu. Isa sa mga kaibigang babae ni Awra ang nagsabing mayroon daw nangbastos sa kanila at pinagtanggol lang sila ni Awra. 

Dagdag pa nila, ang kabilang kampo din daw ang naunang manuntok at gumanti lang din si Awra. 

Samantala, sa ulat naman ng Inquirer, ayon sa police report ay pinaghuhubad umano ng grupo ni Awra ang lalaking nakaaway niya at tumanggi umano ito. 

***